Vallarmet féllu á frá­bærum Korpubikar

Vallarmet féll nefnilega bæði í karla- og kvennaflokki.

Perla Sól Sigurbrandsdóttir sló vallarmetið í kvennaflokki í gær er hún kom í hús á 63 höggum.

Það dugði þó ekki til sigurs því Heiðrún Anna Hlynsdóttir úr GOS var öruggur sigurvegari eftir að hafa spilað frábærlega. Hún var ellefu höggum undir pari á mótinu. Hún er búin að vinna öll fjögur mótin á GSÍ-mótaröðinni í sumar.

Sigurvegari í karlaflokki varð Kristófer Karl Karlsson úr GM. Hann spilaði samtals á sautján höggum undir pari og var einu höggi á undan Tómasi Eiríkssyni Hjaltested sem bætti vallarmetið á laugardag með því að spila á 62 höggum.

Þetta var fimmta mótið í mótaröðinni og það síðasta fyrir Íslandsmótið.