Engar Robin klementínur á landinu þessi jól

DV greinir frá þessum tíðindum, en þar er haft eftir Jóhönnu Jónsdóttur, framkvæmdastjóra Banana ehf., sem hefur flutt klementínurnar inn í gegnum árin, að mandarínur verði fluttar inn frá öðrum ræktendum í Valencia héraðinu í staðinn.

„Klementínurnar hafa notið gríðarlegra vinsælda meðal Íslendinga síðustu fjóra áratugi, ekki síst yfir hátíðarnar, þar sem margir tengja ilm, bragð og jólastemningu við Robin klementínur.“

„Við getum þó glatt landsmenn með því að tilkynna að mandarínur frá öðrum ræktendum í Valencia héraðinu eru á leiðinni í verslanir Bónus og Hagkaupa í lok nóvember í sambærilegum gæðum og Robin. Enginn þarf því að missa af klementínuilminum sem fylgir jólunum,“ er haft eftir Jóhönnu í frétt DV.