Gefur í skyn að Arsenal opni veskið í janúar

Arsenal er með tveggja stiga forskot á toppi ensku úrvalsdeildarinnar eftir átján umferðir þrátt fyrir að mikil meiðsli hafi herjað á leikmannahóp liðsins í vetur.

Arsenal keypti leikmenn fyrir um 250 milljónir punda í sumar og Arteta útilokar ekki að Skytturnar opni veskið aftur í janúar. Þá verður félagaskiptaglugginn opnaður á ný.

„Við verðum mjög meðvitaðir um stöðuna og tímarammann hjá ákveðnum leikmönnum,“ sagði Arteta.

„Við verðum að horfa ákveðið á þetta og svo hvort við getum gert það eða ekki? Það er önnur saga en okkar starf er að vera alltaf undirbúnir því eitthvað getur gerst.“

Sex leikmenn eru sem stendur á meiðslalistanum hjá Arsenal: Kai Havertz, Cristhian Mosquera, Max Dowman, Ben White, Riccardo Calafiori og Jurriën Timber.

Arsenal tekur á móti Aston Villa annað kvöld, í lokaleik sínum á þessu ári.