Élja­gangur og slabb í kortunum

Það verður að mestu bjart á suðvestanverðu landinu. Í hugleiðingum veðurfræðings segir að úrkomusvæði gærdagsins hangi enn yfir vestanverðum Breiðafirði og Vestfjörðum svo þar megi búast við slyddu eða rigningu fram yfir hádegi.

Snjórinn lætur sjá sig víða á morgun en þó verður yfirleitt léttskýjað sunnan- og vestanlands.

Veðurhorfur næstu daga

Á sunnudag:

Norðaustan 8-15 m/s, hvassast norðvestantil. Él norðan- og austanlands, en léttskýjað suðvestantil. Frost inn til landsins en víða frostlaust við sjóinn.

Á mánudag:

Norðaustan 8-13 m/s, en 13-18 á Vestfjörðum og við suðausturströndina. Rigning, snjókoma eða slydda en bjart með köflum á Vesturlandi. Hiti 0 til 4 stig en vægt frost inn til landsins.

Á þriðjudag:

Norðaustan 8-18 m/s, hvassast suðaustantil og á Vestfjörðum. Él, skúrir við suðurströndina, en þurrt að mestu vestanlands. Hiti breytist lítið.

Á miðvikudag:

Minnkandi norðaustan átt. Yfirleitt bjart, en dálítil él norðaustan- og austanlands. Kólnar í veðri.

Á fimmtudag:

Breytileg átt, bjartviðri og yfirleitt talsvert frost.

Á föstudag:

Útlit fyrir suðlæga átt, skýjað og hlýnandi veður, en áfram bjart og kalt austantil.