Hið ró­legasta veður og hiti að fjór­tán stigum

Á vef Veðurstofunnar segir að það verði skýjað með köflum við vesturströndina fram eftir degi. Hiti verður á bilinu sex til fjórtán stig yfir daginn.

„Á morgun þokast hæðin til suðurs og vindáttin verður suðvestlæg eða vestlæg, kaldi eða strekkingur við norðurströndina en hægur vindur í öðrum landshlutum. Áfram bjart og milt veður víða um land, en vestantil verður skýjað með köflum og þar gæti þokusúld látið á sér kræla.

Það er svo litlar breytingar að sjá til miðvikudags, en þá bætir líklega heldur í vind fyrir norðan,“ segir á vef Veðurstofunnar.

Veðurhorfur á landinu næstu daga

Á þriðjudag og miðvikudag: Suðvestan 5-13 m/s um landið norðanvert, annars hægari vindur. Víða léttskýjað, en skýjað og líkur á þokusúld vestantil. Hiti 5 til 14 stig að deginum, hlýjast austanlands.

Á fimmtudag (sumardagurinn fyrsti): Vestlæg eða breytileg átt 3-10. Skýjað með köflum og yfirleitt þurrt vestanlands og við norðurströndina, annars bjart að mestu. Hiti 5 til 13 stig yfir daginn, hlýjast suðaustantil.

Á föstudag: Norðan og norðaustan 3-10, þykknar upp og kólnar, en bjart með köflum og áfram milt sunnan heiða.

Á laugardag: Suðaustlæg átt og dálítil rigning eða slydda, en þurrt að mestu vestanlands. Hiti 1 til 10 stig, mildast á Vesturlandi.

Á sunnudag: Suðlæg átt og rigning með köflum, en yfirleitt þurrt á Norður- og Austurlandi.