Spilaði úr­slita­leikinn puttabrotinn

Í upphitun fyrir úrslitaleikinn lenti Martinez í því óhappi að brjóta á sér puttann. „Ég hef aldrei brotið á mér puttann áður. Alltaf þegar ég ætlaði að grípa boltann fór hann í hina áttina,“ sagði Martinez feginn í viðtali við BBC.

Markmaðurinn þurfti ekki að gera mikið í leiknum þar sem Aston Villa var mun sterkari aðilinn í góðum 3-0 sigri. Samt þurfti Martinez að verja tvisvar og gerði það vel.

Argentínska landsliðið vonar að þetta séu ekki alvarleg meiðsl þar sem stutt er í heimsmeistaramótið og Martinez er lykilleikmaður liðsins.

Martinez hefur gengið vel í úrslitaleikjum en hann hefur unnið alla úrslitaleiki sem hann hefur keppt í. Hann sigraði í úrslitaleik F.A. bikarsins með Arsenal, í úrslitaleik HM og í tveimur úrslitaleikjum Suður-Ameríku bikarsins með Argentínu og nú úrslitaleik Evrópudeildarinnar með Aston Villa.

Þetta er fyrsti stóri titill Aston Villa í yfir 30 ár og 44 ár eru síðan þeir unnu titil í Evrópu.