Skýjað með köflum

„Í dag hreyfist smálægð til austurs, skammt suður af landinu. Breytileg og síðar norðlæg átt 3-10 m/s og skýjað með lítilsháttar vætu af og til í flestum landshlutum, en léttir til sunnan- og vestantil eftir hádegi,“ segir í hugleiðingum veðurfræðings Veðurstofu Íslands.

Á morgun verður hins vegar norðlæg átt og skýjað norðaustanlands. Hlýjast verður syðst á landinu þar sem hitinn gæti náð 20 stigum.

Veðurhorfur á landinu næstu daga

Á laugardag:

Norðlæg átt 3-10 m/s, en norðvestan 8-15 austantil. Skýjað norðaustanlands og sums staðar dálítil rigning eða súld, en yfirleitt bjart í öðrum landshlutum. Hiti 8 til 20 stig, hlýjast syðst á landinu.

Á sunnudag:

Norðlæg eða breytileg átt 3-8 og bjart með köflum, en skýjað á norðaustanverðu landinu. Hiti 8 til 18 stig, svalast norðaustantil.

Á mánudag:

Norðaustan 3-10. Skýjað að mestu fyrir norðan og austan, en lengst af þurrt. Yfirleitt bjart sunnan- og vestantil, en líkur á smá vætu syðst á landinu um kvöldið. Hiti breytist lítið.

Á þriðjudag:

Norðaustanátt og skýjað með köflum suðvestantil, en annars skýjað og lengst af þurrt. Hiti 8 til 17 stig, hlýjast suðvestanlands.

Á miðvikudag og fimmtudag:

Útlit fyrir norðlæga eða breytilega átt. Skýjað að mestu norðaustantil, en víða léttskýjað annars staðar. Hiti 8 til 18 stig, svalast við norður- og austurströndina.