Varað við hviðum á Austur­landi en blíðu í höfuð­borginni

Kemur þetta fram í hugleiðingum veðurfræðings Veðurstofunnar en þar greinir einnig frá því að á Suðausturlandi og Austfjörðum í dag megi búast við enn hvassari vindstrengjum. Þar geti því skapast aðstæður sem eru varasamar ökutækjum sem taka á sig mikinn vind, einkum framan af degi.

Á suðvestanhorninu er útlit fyrir mildara veður og á spákorti Veðurstofunnar má sjá að spáð sé léttskýjuðu og loks heiðskíru á suðaustari helmingi landsins í dag. Hiti ellefu til átján stig en aðeins svalara á Norðausturlandi.

Áfram norðan- og norðvestanátt á morgun, strekkingur austanlands annars hægari vindur. Skýjað með köflum og yfirleitt þurrt, en áfram bjart um landið sunnanvert. Hiti frá 8 stigum við norðurströndina upp í 18 stig sunnan heiða. Annað kvöld eru svo líkur á vætu norðaustantil á landinu.

Veðurhorfur á landinu næstu daga:

Á sunnudag: Norðvestan 8-13 m/s austantil, annars hægari vindur. Skýjað með köflum norðanlands og líkur á dálítilli vætu, en bjart að mestu um landið sunnanvert. Hiti 8 til 18 stig, mildast sunnan heiða.

Á mánudag: Norðlæg eða breytileg átt 5-10, skýjað með köflum og hiti 7 til 13 stig. Bjart að mestu sunnan- og vestantil með hita 12 til 18 stig að deginum, en líkur á stöku síðdegisskúrum.

Á þriðjudag: Norðaustan 5-10. Dálítil væta með köflum sunnan- og austanlands, annars þurrt að mestu. Hiti 6 til 14 stig, mildast á Suðvesturlandi.

Á miðvikudag, fimmtudag og föstudag: Norðlæg átt og dálítil væta, en yfirleitt þurrt á Suðvestur- og Vesturlandi. Hiti 6 til 15 stig, mildast sunnantil.