Fótbolti

Flottur sigur Íslendingaliðsins í fyrsta leik

Valur Páll Eiríksson skrifar
Alfons og Stefán Ingi byrjuðu báðir í dag.
Alfons og Stefán Ingi byrjuðu báðir í dag. Vísir/Samsett

Þeir Stefán Ingi Sigurðarson og Alfons Sampsted voru báðir í byrjunarliði Go Ahead Eagles sem vann 4-1 sigur á Willem II í fyrsta leik tímabilsins í hollensku úrvalsdeildinni.

Alfons byrjaði í hægri bakvarðarstöðunni hjá GAE og Stefán leiddi línuna sem fremsti maður. Stefáni var skipt af velli á 62. mínútu en Alfons spilaði allan leikinn.

GAE lenti undir á 13. mínútu en jafnaði eftir hálftímaleik. 1-1 stóð í hléi en þrjú mörk á átta mínútna kafla í síðari hálfleik skópu sigurinn.

Eitt markanna kom á 61. mínútu, Stefáni var skipt af velli á þeirri 62. og annað mark kom strax á 63. mínútu.

Fyrr í dag kom Willum Þór Willumsson inn sem varamaður og spilaði síðasta hálftímann í 2-1 tapi NEC Nijmegen á heimavelli fyrir Telstar.

Hollenski boltinn

Mest lesið


Fleiri fréttir

Sjá meira


×

Mest lesið