Lögreglumál

Lögreglumál

Fréttir af verkefnum lögreglunnar á Íslandi.

Fréttamynd

Árasin ein­kenndist af tals­verðri heift

Lögreglan á höfuðborgarsvæðinu vinnur nú að rannsókn máls sem varðar árás hóps ungmenna á konu við biðskýli í Mjóddinni á fimmtudag í síðustu viku. Hópur ungmennanna samanstendur af sex manns á aldrinum 14–16 ára sem eru til rannsóknar fyrir að hafa ráðist að konunni, sem er á fimmtudagsaldri, með höggum og spörkum.

Innlent

Fréttir í tímaröð

Fréttamynd

Íris Helga neitar sök

Íris Helga Jónatansdóttir neitaði sök við þingfestingu á ákæru gegn henni í Héraðsdómi Reykjaness sem hófst klukkan 14 í dag.

Innlent
Fréttamynd

Inn­brot og skemmdar­verk hjá Stjörnugrís og dýrum sleppt

Brotist var inn í svínabú Stjörnugríss í Brimnesi á Kjalarnesi aðfaranótt mánudags og voru unnar miklar skemmdir. Þá var dýrum hleypt út og drápust tíu smágrísir auk þess sem taka þurfti einn grís af lífi vegna kjálkabrots. Talið er að skemmdirnar hafi verið unnar í yfirskyni dýravelferðar.

Innlent
Fréttamynd

Kannast þú við Tommy?

Sakamál sem snýst um andlát sænsks sautján ára drengs hefur leitt rannsakendur til Íslands. Nú hafa verið birtar myndir og er óskað eftir öllum vísbendingum sem leitt gætu að uppljóstrun málsins. Íslandstengingin við málið er sú að þegar Tommy fannst látinn, árið 1966, fannst einnig kvittun frá Hótel Loftleiðum í vasa hans.

Innlent
Fréttamynd

Ekið á tvö börn hvort í sínu sveitar­fé­laginu í dag

Keyrt var á tólf ára barn sem var við leik við Ægisgötu upp úr klukkan tólf í dag. Barnið hlaut áverka á fæti en var barnið flutt undir læknishendur í kjölfar slyssins. Þá var fjórtán ára stúlka flutt á bráðamóttökuna eftir að ekið var á hana í Hafnarfirði.

Innlent
Fréttamynd

Hand­tóku konu vopnaða hnífi

Lögregla og sérsveit ríkislögreglustjóra voru kölluð til í Skógarsel í Breiðholti fyrir hádegi í dag vegna tilkynningar um konu sem var vopnuð hnífi.

Innlent
Fréttamynd

Ung­menni réðust að konu með höggum og spörkum í Mjóddinni

Lögregla rannsakar hóp ungmenna á aldrinum 14 til 16 ára sem talin eru hafa ráðist á konu konu á fimmtugsaldri með höggum og spörkum í biðskýli í Mjóddinni í Reykjavík á fimmtudag. Lögregla segir hópinn áður hafa komið við sögu hjá lögreglu fyrir að vera með almenn leiðindi og dónaskap í Mjóddinni. 

Innlent
Fréttamynd

Keypti bíl fyrir peningana og flúði land með Nor­rænu

Rúmenski maðurinn sem er grunaður um að hafa svikið 160 milljónir úr Arion banka hefur verið búsettur hér á landi í þó nokkur ár. Hann keypti sér bíl fyrir illa fengið fé og flúði land með Norrænu eftir svikin en var loks handtekinn í heimalandi sínu.

Innlent
Fréttamynd

Rúmeninn náði 160 milljónum króna af Arion banka

Arion banki er íslenska fjármálafyrirtækið sem varð fyrir barðinu á rúmenskum tölvuþrjóti í apríl. Hann nýtti sér villu í kerfi bankans til þess að millifæra á sig um 160 milljónir króna. Arion banki hefur endurheimt fjármunina að mestu leyti.

Innlent
Fréttamynd

Ung­menni á „krossurum“ elt heim með dróna

Lögreglunni á höfuðborgarsvæðinu var tilkynnt um ungmenni á „krossurum“ í gærkvöldi eða nótt, þar sem þau voru sögð vera að „spæna upp gras“. Notast var við dróna til að fylgjast með þeim að heimili þeirra.

Innlent
Fréttamynd

Hand­tekinn á skemmti­stað með þrjú ung­menni

Ýmislegt gekk á í nótt og hafði lögreglan afskipti af fjölda ungmenna af mismunandi ástæðum. Fullorðinn maður var handtekinn á skemmtistað en með honum voru þrjú ungmenni undir aldri og var haft samband við foreldra þeirra. Maður var ofurölvi og hafði sofnað á tröppum veitingastaðar í Reykjavík en hann var vakinn og hélt í kjölfarið sína leið.

Innlent
Fréttamynd

Maðurinn hand­tekinn og fluttur til Reykja­víkur í nótt

Lögreglan í Vestmannaeyjum naut í gær aðstoðar sérsveitar ríkislögreglustjóra við handtöku manns sem var vopnaður eggvopni. Hann var fluttur með þyrlu á meginlandið um klukkan eitt í nótt en staðarmiðlar í Eyjum herma að hann glími við andleg veikindi.

Innlent
Fréttamynd

Bjó sér til vopn með því að setja steinhellu í sokk

Óskað var eftir aðstoð lögreglu í nótt á skemmtistað í Reykjavík en þar voru dyraverðir búnir að taka til hliðar einstakling sem hafði verið í slagsmálum inni á staðnum. Lögregla sinnti einnig útkalli vegna líkamsárásar jafnframt því sem hún aðstoðaði starfsfólk bráðamóttökunnar vegna ölvaðs manns sem neitaði að fara.

Innlent
Fréttamynd

Sérsveitaraðgerð í Vest­manna­eyjum

Sérsveit ríkislögreglustjóra aðstoðaði lögregluna í Vestmannaeyjum við aðgerð við íbúðarhúsnæði við Fífilgötu á föstudagskvöld. Aðgerðin stóð enn yfir skömmu fyrir miðnætti.

Innlent
Fréttamynd

„Bein­línis gengið í skrokk á fólki“

Matvælastofnun hefur ákveðið að kæra viðskiptavin vegna ógnandi hegðunar. Forstjórinn segir of algengt að starfsfólk verði fyrir hótunum í málum sem tengjast dýravelferð og að ákveðið hafi verið að leita til lögreglu til að tryggja betur öryggi þess. Dæmi séu um að ráðist hafi verið á starfsfólk með barefli.

Innlent
Fréttamynd

Lög­regla sögð vilja koma höggi á blaða­menn

Kristinn Hrafnsson ritstjóri Wikileaks ritar mikla grein sem hann birtir á Vísi þar sem hann rekur ítarlega mál Páls Steingrímssonar skipsstjóra á hendur Ríkisútvarpinu og Þóru Arnórsdóttur fyrrverandi ritstjóra Kveiks. Hann segir ekki standa stein yfir steini, hvorki í málatilbúnaði Páls skipstjóra, sem hann segir mótsagnakenndan auk þess sem Kristinn fordæmir aðkomu lögreglunnar á Norðurlandi eystra.

Innlent
Fréttamynd

Rekstur snyrti­stofu til rann­sóknar hjá lög­reglu

Lögreglan á höfuðborgarsvæðinu hafði afskipti af rekstri snyrtistofu á vaktinni í gærkvöldi eða nótt, þar sem starfsemin virtist ekki uppfylla skilyrði. Málið virðist tengjast öðru máli sem kom upp, þar sem maður var handtekinn vegna gruns um akstur undir áhrifum fíkniefna, vörslu fíkniefna, peningaþvætti og fleira.

Innlent
Fréttamynd

Á sjötta tug vísað úr landi

Á sjötta tug hefur verið vísað frá Íslandi eftir að hafa brotið af sér á þessu og síðasta ári. Lögregla segir mál sem þessi tekin fastari tökum en áður og kallar eftir lagabreytingum til að tryggja skjótari meðferð mála.

Innlent
Fréttamynd

Ekki hafi tekist að sanna að brotið hafi verið á frið­helgi Páls

Dómari í máli Páls Steingrímssonar gegn Ríkisútvarpinu og Þóru Arnórsdóttur, fyrrverandi starfsmanni RÚV, segir í niðurstöðu dómsins að ekki hafi tekist að sanna að Þóra og aðrir starfsmenn RÚV hafi brotið á friðhelgi einkalífs hans. Þau voru í dag sýknuð af öllum kröfum Páls en hann krafðist milljóna í miskabætur vegna ætlaðra brota þeirra gegn friðhelgi einkalífs hans.

Innlent

Mest lesið