Innherji
„Sannkallað efnahagslegt og pólitískt sjálfsmark“ hjá ríkisstjórninni
Það „vekur furðu“ að ríkisstjórnin sé að endurtaka sömu mistökin frá því um áramótin með hækkunum á krónutölugjöldum sem ýtir undir verðbólguvæntingar og verðbólgu, að sögn sjóðstjóra á skuldabréfamarkaði, og kallar aðgerðirnar „sannkallað efnahagslegt og pólitískt sjálfsmark“ hjá stjórnvöldum. Aðhaldið sem er boðað í fjárlögunum er töluvert í sögulegu samhengi, með nokkuð minni útgjaldavexti milli ára en hefur sést að jafnaði síðasta áratuginn, en á móti benda greinendur á að viðsnúningurinn sem á að nást í afkomunni sé að litlum hluta vegna niðurskurðar eða aðhalds í rekstri.
Sameinaður lífeyrissjóður fer yfir tuttugu prósenta hlut í aðeins einu félagi
Þótt lífeyrissjóðirnir Gildi og Festa, sem hafa samþykkt að sameinast síðar á árinu, muni að óbreyttu fara með vel yfir fimmtungshlut í Reitum þá ættu þeir ekki að þurfa selja sig niður fyrir þau mörk með hraði eftir nýlegar lagabreytingar. Í júlí og ágúst stóð Gildi að umfangsmikilli sölu á bréfum í nokkrum Kauphallarfélögum fyrir samtals vel yfir tíu milljarða.
Fjárfestar veðja á meiri verðbólgu en áður eftir kynningu á fjárlagafrumvarpi
Þrátt fyrir áform um hallalausfjárlög á komandi ári, sem nemur 0,1 prósenti af landsframleiðslu, hafa skuldabréfafjárfestar tekið fremur illa í fjárlagafrumvarp ríkisstjórnarinnar en verðbólguvæntingar á markaði hafa hækkað umtalsvert í morgun. Fjármálaráðherra boðar að aðhaldsstig ríkisfjármálanna, sem er áætlað lítillega neikvætt á þessu ári, verði „allnokkuð“ en samhliða því er útlit fyrir að hreinn lánsfjárjöfnuður batni umtalsvert á árinu 2027.
Frjálsi meira en tvöfaldar stöðu sína í fasteignafélaginu Eik
Frjálsi lífeyrissjóðurinn hefur bætt verulega við eignarhlut sinn í Eik að undanförnu og meira en tvöfaldaði stöðu sína í fasteignafélaginu í liðnum mánuði. Á sama tíma hélt Gildi áfram að selja sig niður.
Kjölur bætist aftur í hóp stærri hluthafa Reita
Fjárfestingafélagið Kjölur, sem á tímabili var einn allra umsvifamesti einkafjárfestirinn í Reitum, hefur bæst á nýjan leik í hóp stærstu hluthafa fasteignafélagsins. Fáeinir mánuðir eru síðan félagið seldi öll bréf sín fyrir nærri fjóra milljarða.
Telja ótímabært að afskrifa NATO þrátt fyrir áföllin í forsetatíð Trumps
Víðfemt net bandalaga vestrænna ríkja undir forystu Bandaríkjanna hefur orðið fyrir meira tjóni á fyrstu átján mánuðum síðara kjörtímabils Donalds Trump en á öllu því fyrra. Tveir fyrrverandi háttsettir embættismenn Bandaríkjastjórnar telja engu að síður að NATO geti staðið af sér áfallið og jafnvel orðið öflugra, að því gefnu að það takist að endurmóta sambandið við Evrópu og endurvekja traust á því að Washington standi við varnarskuldbindingar sínar.
Hvernig rétta má af alvarlega stöðu ríkisfjármála Frakklands
Óháð því hver verður kjörinn arftaki Emmanuels Macron í forsetakosningunum á næsta ári þarf Frakkland að ráðast í heildarendurskoðun á ríkisfjármálunum. Að öðrum kosti er hætta á að landið sogist inn í vítahring sífellt hærri vaxtakostnaðar og minni hagvaxtar.
Góðar forsendur fyrir því að verðbólgan hjaðni „jafnvel allhratt“ á næstunni
Fjármálaráðherra þrætir enn fyrir að aukning í mældri verðbólgu stafi einkum af hækkun opinberra gjalda, sem seðlabankastjóri hefur sagt vera „staðreynd“, og segir þær fullyrðingar ekki eiga sér stoð í gögnum. Hann telur góðar forsendur fyrir því að verðbólgan geti hjaðnað „allhratt“ á næstunni og bendir á að það fáist varla staðist til lengdar að húsnæðisliðurinn í vísitölu neysluverðs hækki umfram aðra verðmælikvarða á íbúðamarkaði.
Útbreiddar vísitölutengingar sagðar geta gert verðbólguna þrálátari
Hið opinbera ætti almennt að horfa frá því að vísitölubinda gjaldskrár og ganga ekki sjálfkrafa út frá því að samningar um opinber innkaup séu verðtryggðir. Þá kemur til álita að takmarka hversu oft leiguverð má taka breytingum og beina langtímafjárfestum, meðal annars lífeyrissjóðum, í auknum mæli að óverðtryggðum eignum með því að breyta „áherslum og hvötum þeirra.“
Viðsnúningur í rekstri Akta með auknum eignum í stýringu
Eftir erfiðleika í rekstri undanfarin ár samhliða verðlækkunum á mörkuðum og útflæði úr sjóðum varð töluverður viðsnúningur í afkomu Akta á fyrri árshelmingi þegar félagið skilaði yfir áttatíu milljóna hagnaði. Framkvæmdastjóri Akta og stærsti hluthafinn seldi nýlega meira en þriðjunginn af öllum hlut sínum í félaginu.
Gengi Amaroq hækkar skarpt þegar félagið var tekið inn í vísitölur FTSE
Hlutabréfaverð Amaroq, sem var nýlega skráð á aðalmarkaðinn í London, hefur hækkað nokkuð eftir að ljóst varð að auðlindafélagið yrði tekið inn í tvær vísitölur hjá FTSE Russell síðar í þessum mánuði. Innkoman þýðir að Amaroq kemst á radarinn hjá stærri hópi fjárfesta en alþjóðlegir vísitölusjóðir þurfa núna að kaupa í félaginu.
Brýna stjórnvöld og Seðlabankann að horfa meira á framboðshlið markaðarins
Stjórnendur fjárfestingafélagsins Langasjávar, sem er meðal annars umsvifamikið í verkefnum tengt byggingarstarfsemi, vara við því að langvarandi samdráttur í uppbyggingu íbúðarhúsnæðis geti leitt til vaxandi spennu á húsnæðismarkaði þegar vextir taka að lækka og eftirspurn eykst á ný. Þeir brýna fyrir stjórnvöldum og Seðlabankanum að horfa í auknum mæli til framboðshliðar markaðarins með því að stuðla að umhverfi sem ýti undir fjárfestingu og uppbyggingu.
Varaseðlabankastjóri varar við hættu á „skarpri aðlögun“ í byggingargeiranum
Varaseðlabankastjóri fjármálastöðugleika, eini nefndarmaður peningastefnunefndar Seðlabankans sem vildi halda vöxtum óbreyttum við síðustu ákvörðun, varar við því að háir vextir og miklar birgðir af óseldum íbúðum muni auka hættuna á „skarpri aðlögun“ í byggingargeiranum. Hann bendir á að „raunveruleg fjármögnunarskilyrði“ heimila hafi versnað umfram stýrivaxtahækkanir samhliða mikilli hækkun verðtryggðra markaðavexta frá því í vor.
Tekjurnar nálægt hálfum milljarði á fyrsta heila starfsári ARMA Advisory
Tekjur ARMA Advisory námu tæplega hálfum milljarði króna á fyrsta heila starfsári ráðgjafafyrirtækisins samhliða aðkomu að mörgum af stærri fyrirtækjaviðskiptum og fjármögnunum á liðnu ári. Hagnaður félagsins, sem Marinó Örn Tryggvason og Atli Rafn Björnsson leiða, var nærri 300 milljónir króna.
Gæti gefið eftir með haustinu en munum eflaust áfram búa við sterka krónu
Góð staða helstu útflutningsgreina, sem birtist meðal annars í hækkandi afurðaverði í sjávarútvegi og „mjög sterku“ ferðamannasumri, samhliða háu vaxtastigi hefur ýtt undir gengishækkun krónunnar og er raungengið núna í hæstu hæðum. Sérfræðingur á gjaldeyrismarkaði segir að á meðan sú staða helst óbreyttu sé fátt sem bendi til þess að gengið muni hreyfast mikið og því áfram útlit fyrir sterka krónu.
Krónan vegur upp á móti mótvindi hjá N1 og mæla enn með kaupum
Þótt afkomuspáin hjá Festi fyrir þetta ár hafi verið lækkuð vegna þrýstings á framlegð N1 þá telur hlutabréfagreinandi að áhrifin sé að mestu tímabundin, en verðmatsgengi félagsins helst nánast óbreytt. Á móti vegur sterkur rekstur Krónunnar auk þess sem vænt samlegð vegna kaupanna á Lyfju hefur meira en tvöfaldast frá upphaflegum áætlunum.
Krónan styrkist þrátt fyrir metkaup lífeyrissjóða á gjaldeyri í júlí
Eftir að hafa haft afar hægt um sig í gjaldeyrisviðskiptum á liðnu ári hafa umsvif lífeyrissjóðanna margfaldast það sem af er þess ári. Þrátt fyrir metkaup sjóðanna í júlímánuði hélt gengi krónunnar áfram að styrkjast, en hlutdeild lífeyrissjóða í heildarviðskiptum á gjaldeyrismarkaði er lítil.
Krefst riftunar á nærri 500 milljóna greiðslum til stærsta viðskiptavinar Play
Þrotabú Play hefur höfðað mál gegn Airport Associates og tengdum félögum þar sem krafist er riftunar á greiðslum upp á samtals um 470 milljónir sem voru inntar af hendi í aðdraganda falls flugfélagsins. Flugafgreiðslufyrirtækið varð fyrir miklum áhrifum af gjaldþroti Play í fyrra þegar tekjur og afkoma skruppu saman, en ráðandi hluthafi þess var jafnframt stór fjárfestir og varaformaður í stjórn Play.
Markaðurinn að vanmeta svigrúm Arion til útgreiðslna til hluthafa
Arion banki ætti að geta skilað hluthöfum sínum um tólf til fjórtán prósenta árlegri heildarávöxtun til næstu þriggja ára, einkum í formi arðgreiðslna og endurkaupa eigin bréfa, að mati greinenda norræns fjárfestingabanka sem telur bréf Arion vera talsvert undirverðlögð á markaði. Fjárfestar eru sagðir vanmeta svigrúmið sem Arion hefur til útgreiðslna.
Verðlagning félaga í Úrvalsvísitölunni lítið breytt yfir sumarið
Hlutfall virðis á móti hagsveifluleiðréttum hagnaði fyrir Úrvalsvísitölu Kauphallar Íslands var um 20,8 í lok ágúst og hélst nær óbreytt frá júní. Verðlagning er áfram við miðgildi hlutfallsins frá árinu 2005.
Bætist í hóp stærstu hluthafa SKEL eftir söluna á samlokurisanum Sóma
Félag fyrrverandi aðaleigenda matvælaframleiðslufyrirtækisins Sóma, sem var selt nýlega til innlends framtakssjóðs, er komið í hóp stærstu hluthafa SKEL eftir að hafa fjárfest í félaginu fyrir nokkur hundruð milljónir.
Gengisstyrking krónunnar að undanförnu kemur BlueBay „alls ekki á óvart“
Gengisstyrking krónunnar að undanförnu kemur einu stærsta skuldabréfastýringarfélagi Evrópu, sem er jafnframt umsvifamikill eigandi íslenskra ríkisskuldabréfa, ekki á óvart en hann telur að ef já-ið verður ofan í þjóðaratkvæðagreiðslunni um hvort hefja eigi á nýjan leik aðildarviðræður við ESB þá muni fjárfestar fara að veðja á samleitni vaxta við evrusvæðið.
Singapúrskur fjárfestir heitir EpiEndo 60 milljóna evra fjármögnun
Íslenska líftæknilyfjafyrirtækið EpiEndo hefur náð samkomulagi við sérhæfðan lífvísindafjárfesti frá Singapúr um óskuldbindandi viljayfirlýsingu um allt að 60 milljóna evra fjármögnun, bæði hlutafé og lánsfé, í tengslum við umfangsmikla fjármögnunarlotu sem er að hefjast hjá félaginu.
Við vitum nú þegar nógu mikið til að geta tekið upplýsta ákvörðun um að segja Nei
ESB hefur með of mikilli reglugerðarvæðingu heft nýsköpun og aukið viðskiptakostnað verulega og þannig dregið úr verðmætasköpun og efnahagslegum lífsgæðum íbúa.
Stöndum saman um heilög mál
Frelsið er fjöregg þjóðarinnar sem okkur ber að varðveita. Þjóð sem hefur lotið erlendu yfirvaldi ætti að þekkja mikilvægi eigin ákvörðunarvalds. Lítil þjóð á ekki að berjast við sjálfa sig þegar grundvallarhagsmunir hennar eru í húfi. Hún á að standa saman um heilög mál eins og réttinn til að stjórna sjálf nýtingu auðlinda sinna til sjós og lands.
ESB-kosning á radar erlendra fjárfesta í íslenskum verðbréfum
Erlendir sjóðstjórar sem hafa fjárfest í íslenskum verðbréfum undanfarin ár eru farnir að velta fyrir sér mögulegum áhrifum þess á markaði og efnahag ef Íslendingar samþykkja að hefja á ný aðildarviðræður við Evrópusambandið. Franskur stórbanki nefnir að með aðild skapist hætta á að auðug fiskimið Íslands opnist gagnvart erlendum útgerðum, á meðan einn stærsti erlendi fjárfestirinn á skuldabréfamarkaði telur að verði já-ið ofan á þá gæti það ýtt undir áhuga á íslenskum ríkisbréfum.
Samstarf við Bloomberg til að auka sýnileika íslenska markaðarins
Íslenska greiningarfyrirtækið Jakobsson Capital hefur gert samstarfssamning við Bloomberg, fjármála- og gagnaveitu, meðal annars í því skyni að reyna auka sýnileika íslenska markaðarins.
Þrátt fyrir mikla hækkun er raungengið talið aðeins „örlítið“ yfirverðlagt
Á meðan sum útflutningsfyrirtæki eru í auknum mæli farin að kvarta undan skertri samkeppnishæfni vegna sögulega hás raungengis krónunnar þá sýnir nýlegt mat bæði Alþjóðagjaldeyrissjóðsins og Seðlabanka Íslands að það er ekki mjög yfirverðlagt með hliðsjón af því sem samrýmist þjóðhagslegu jafnvægi. Sjóðurinn hefur ekki áhyggjur af sjálfbærni erlendrar stöðu þjóðarbúsins, þótt hún hafi veikst eilítið síðustu ár, en varar við því að hækki launakostnaður áfram umfram framleiðniaukningu muni það grafa undan stöðu útflutningsgreina.
Spá verðmætari bylgju nýrra lyfja á markað hjá Alvotech
Alvotech er að nálgast „mikilvægan vendipunkt“ eftir margra ára uppbyggingu þar sem áhersla fjárfesta færist frá eftirlitsáhættu tengdri FDA yfir í markaðssetningu nýrra lyfja og tekjuvöxt, að sögn greinenda Bank of America, sem mæla með kaupum í frumskýrslu sinni um félagið. Hlutabréfaverð Alvotech rauk upp í dag en greinendur bandaríska bankans telja að næsta bylgja nýrra hliðstæðulyfja frá félaginu geti reynst verðmætari en þau sem hafa áður komið á markað.
Reksturinn batnar en hátt eldsneytisverð setur Icelandair þröngar skorður
Skýr merki eru um að undirliggjandi rekstur Icelandair sé að styrkjast, meðal annars vegna hærri fargjalda, betri sætanýtingar og umfangsmikilla hagræðingaraðgerða, að mati hlutabréfagreinanda, sem verðmetur félagið talsvert yfir markaðsgengi. Hátt eldsneytisverð, sterkt gengi krónunnar og kjaradeilur við flugstéttir setja rekstrinum hins vegar áfram þröngar skorður.
