Fjórði bekkur í samræmd próf?

Óvissa er um samræmd próf fjórða bekkjar í 180 grunnskólum sveitarfélaganna. Prófa á börnin í stærðfræði og íslensku dagana 10. og 12. október. Sigfús Grétarsson, formaður samninganefndar Skólastjórafélagsins í kjaraviðræðum við sveitarfélögin, segir að sjá verði til með framkvæmd prófanna þegar samningar náist. Hann segir prófin ætluð til að leiðbeina skólum um stöðu sinna nemenda. "Það getur því verið að prófin verði haldin ef samningar nást fyrir þann tíma því allir grunnskólanemendur eru undir sömu sök seldir."