Ríkmannlegur hefðarstíll

Gardínur setja tóninn á heimilinu hvað varðar liti og efnisval og í vetur virðist tónninn vera brúnn. Sjá má sömu liti í gardínutískunni og í fatatískunni og auk brúna litsins eru gylltir og vínrauðir tónar áberandi. Vinsælt er að setja upp gardínur í nokkrum lögum þar sem ysta lagið er sólargardína sem verndar íbúðina fyrir sterku sólarljósi, í miðið er þunnt gegnsætt efni og innsta lagið þykkar gardínur, jafnvel úr velúr. Stællinn í gardínum í ár er ríkmannlegur og munúðarfullur í anda vel útbúinna halla hefðarfólks fyrri alda. Skraut í kringum gardínustangir er mikið og hnúðar áberandi, og borðar og gylltir þræðir í gardínum. Algengt er að fólk velji sér gardínuefni og láti setja kósa á það, er það eru stórir hringir sem þræddir eru á stöngina og eru gardínunrnar hafðar síðar og efnismiklar. Dregið hefur úr vinsældum rimlagluggatjalda en þau eru helst tekin úr við eða með mjög breiðum rimlum, annars eru sólargluggatjöldin allsráðandi enda nýtast þau vel allan ársins hring.