Forsætisráðherra fluttur á spítala eftir býflugnaárás

Anders Fogh, forsætisráðherra Danmerkur, var fluttur lífshættulega veikur á sjúkrahús, um síðustu helgi, eftir að svermur af býflugum réðist á hann. Forsætisráðherrann var að klippa hekk í garði sínum þegar þetta gerðist. Hann forðaði sér á hlaupum, en fékk fimm eða sex stungur í höfuðið og hálsinn.

Ráðherrann bólgnaði svo rosalega að öryggisverðir hans kölluðu þegar á sjúkrabíl, sem kom á vettvang með vælandi sírenur. Læknir sem kom með bílnum sá að öndunarvegur Foghs var að lokast, sem og blóðflæði upp í heilann. Hann gaf því samstundis adrenalinsprautu, og við það bráði af forsætisráðherranum.