Calzaghe ætlar að jafna met Böðulsins

Walesverjinn Joe Calzaghe segist ætla að gæta sín vel á því að vanmeta ekki andstæðing sinn annað kvöld þegar hann ver WBO og IBF titla sína í yfir millivigt gegn Kamerúnmanninum Sakio Bika. Bardaginn verður í beinni á Sýn annað kvöld og hefst útsending strax klukkan 20.

Hinn 34 ára gamli Calzaghe getur með sigri jafnað með Bernard "Böðuls" Hopkins, en það yrði þá í 19 skiptið sem þessi ósigraði og skemmtilegi hnefaleikari verði titil sinn. Calzaghe barðist síðast við Bandaríkjamanninn Jeff Lacy og tók hann gjörsamlega í bakaríið öllum að óvörum, en það var hreint út sagt frábær bardagi. Það verður því gaman að sjá hvort Calzaghe setur á svið aðra eins sýningu í Manchester annað kvöld.