Curbishley tekinn við West Ham

Alan Curbishley var í dag ráðinn knattspyrnustjóri enska úrvalsdeildarliðsins West Ham og tekur við starfi Alan Pardew sem rekinn var á dögunum. "Það er frábært að fá mann eins og Alan til starfa hjá félaginu, en hann er maður sem hefur sannað sig sem stjóri og elskar það síðan hann lék með því á árum áður," sagði Eggert Magnússon stjórnarformaður í samtali við breska sjónvarpið.

"Ef einvher hefði sagt mér að ég ætti eftir að verða knattspyrnustjóri West Ham þegar ég lék með liðinu sem 16 ára gamall drengur, hefði ég talið það ómögulegt. Það eru forréttindi fyrir mig að fá að starfa hérna og ég get ekki beðið eftir að takast á við áskorunina að koma liðinu á betri stað í töflunni," sagði Curbishley.