Producers kveður

Söngleikurinn The Producers, sem er byggður á samnefndri kvikmynd Mel Brooks, hefur lokið göngu sinni á Broadway eftir rúmlega 2.500 sýningar. „Þetta hafa verið sex gleðileg ár og þið áhorfendur hafið staðið ykkur frábærlega í því að aðstoða okkur við þessa vel heppnuðu lokasýningu,“ sagði Mel Brooks.

The Producers fjallar um tvo framleiðendur sem setja upp misheppnað leikrit um Adolf Hitler. Nathan Lane og Matthew Broderick fóru upphaflega með aðalhlutverkin í söngleiknum og léku einnig í endurgerð myndarinnar.