Harris leikstýrir

Bandaríski leikarinn Ed Harris hyggst setjast aftur í leikstjórastólinn og að þessu sinni leikstýra alvöru vestra.

Myndin hefur hlotið nafnið Appaloosa og mun Harris sjálfur leika aðalhlutverkið. Ed hefur einu sinni áður verið fyrir aftan tökuvélina, en það var í kvikmyndinni Pollock og var leikarinn tilnefndur til Óskarsverðlauna fyrir leik sinn sem listamaðurinn.

Ed virðist hafa notið þess að leika í gæðamyndinni History of Violence því hann hefur fengið Viggo Mortensen til liðs við sig auk hinnar norskættuðu Rene Zellweger.

Myndin segir frá tveimur kúrekum sem er falið að koma á lög og reglu í litlum smábæ en honum er haldið í heljargreipum af rammspilltum fógeta bæjarins.