Tæplega 22 prósent strikuðu yfir Árna Johnsen

Tæplega 22 prósent kjósenda Sjálfstæðisflokksins í Suðurkjördæmi strikuðu yfir nafn Árna Johnsen í kosningunum í gær. Samkvæmt reglum fyrir kjördæmið þarf tólf og hálft prósent kjósenda flokksins að strika frambjóðanda út svo hann falli niður um sæti.

Til að falla niður um annað sæti þarf sömu prósentutölu til viðbótar.

Árni er því á mörkunum að falla niður um tvö sæti, en héldi þó þingsæti miðað við það. Stuðningsmenn Árna gætu einnig hafa brugðist við þessu með því að breyta röðun á lista. Það kemur í ljós á næstu dögum.

Kjörstjórn í Reykjavík suður þar sem Björn Bjarnason er á lista, fundaði í dag. Talning á útstrikunum hefst þar í fyrramálið.