Úrtökumót fyrir evrópsku mótaröðina

Nokkrir af okkar bestu kylfingum hafa verið að reyna fyrir sér í atvinnumennsku og margir hafa reynt að komast inn á evrópsku mótaröðina og hafa einungis tveir einstaklingar komist þar inn með fullan þátttökurétt en það var Birgir Leifur Hafþórsson og Ólöf María Jónsdóttir. Hvað þarf til að taka þátt í þessum mótum og hvernig er hægt að komast inn á evrópsku mótaröðina.

Hjá körlunum þarf að vera atvinnumaður í golfi eða hafa forgjöf fyrir neðan 0 til að vera gjaldgengur í úrtökumótin. 1. stig fer fram á sex mismunandi völlum og eru um 130 keppendur á hverjum stað. 25-30 leikmenn komast áfram á hverjum velli og geta þeir þá tekið þátt á öðru stigi. 2. stigið fer fram á þremur völlum og eru þar keppendur sem náðu að komast í gegnum fyrsta stigið og keppendur sem hafa sloppið við fyrsta stigið. Það geta verið keppendur á Áskorendamótaröðinni eða kylfingar sem komust á 3. stig árið áður.

25-30 kylfingar komast í gegnum 2. stigið og verða því löglegir á 3. stigið ásamt leikmönnum sem hafa unnið sér rétt á því stigi áður. Það geta verið leikmenn sem eru á evrópsku mótaröðinni sem ekki ná 115. sæti á mótaröðinni.

3. stigið er sex hringir en 90 efstu komast áfram eftir fjóra hringi og svo eru um 30 efstu sem fá fullan þátttökurétt á evrópsku mótaröðinni.

Hjá konunum er þetta aðeins öðruvísi. Þar fer fram forkeppni þar sem spilaðar eru 54 holur og ákveðinn fjöldi kemst áfram. Þessi fjöldi verður ekki ákveðinn fyrr en eftir að skráningu er lokið. Fjöldinn sem kemst áfram fer eftir því hve margir skrá sig í lokaúrtökumótið en þar spila 90 spilarar. Þeir sem sleppa við forkeppnina eru núverandi meðlimir LET (ladies european tour) sem ekki hafa náð lágmarks mörkum eða fyrrverandi sigurvegarar á LET. Lokaúrtökumótið er svo 72 holur þar sem 25 efstu fá fullan þáttökurétt á LET.

Kylfingur.is