Handteknir eftir átök við lögreglu

Tveir karlmenn voru handteknir í Grindavík í gær eftir átök við lögreglu. Lögregla hafði afskipti af manni sem var með ölvunarlæti þegar vinur hans kom aðvífandi og ýtti við lögreglumönnunum. Sá var handtekinn og bregst sá ölvaði illa við og skarst í leikinn.

Eftir nokkur átök voru báðir mennirnir handteknir og beitti lögreglan piparúða til hafa mennina undir.

Þá kviknaði eldur í íbúðarhúsi í Grindavík í morgun. Einn var í húsinu og komst hann út af sjálfsdáðum. Slökkvilið er á staðnum við að reykræsta húsið, en töluverður reykur myndaðist í eldinum.