Trulli ósammála 1,3 miljóna sekt

Ítalinn Jarno Trulli fékk 1,3 miljóna sekt fyrir brot á Singapúr brautinni í gær. Hann snarsnerist í upphafi beinasta kafla brautarinnar ók síðan gegn akstursstefnu bílanna í smástund til að komast útaf brautinni.

Hann smokraði þannig bílnum inn á þjónustusvæðið og fór yfir kant sem afmarkar brautina. Ók þannig hálft í hvoru í aksturslínunni á blindu horni í augnablik. Dómurum þótti athæfi hans varasamt og hann fékk 10.000 evru sekt. Hann hefði átt að aka eðilega aksturstefnu og klára hringinn að mati dómara.

,,Ég sneri bílnum í síðustu beygju og vildi komast sem fyrst úr aksturslínunni. Á sem öruggastan hátt. Ég tel að ég hafi breytt rétt, en hef verið sektaður vegna atviksins. Ég meðtek það, en ég veit að ég gerði það sem var öruggast fyrir mig og aðra ökumenn. Það vill engin lendar í árekstri á þessum stað", sagði Trulli.

Dómarar töldu Trulli ekki hafa neitt sér til málsbóta. Margir snerust í þessari beygju, en héldu áfram för eðlilega akstusleið. Margir ökumenn telja umrædda beygju varasama þar sem ökumenn beygja á sama stað inn á þjónustusvæðið. FIA er að skoða málið.

Þriðja æfing Formúlu 1 liða er kl. 10.55 á Stöð 2 Sport í dag, en tímataka kl. 13.45.

Sjá brautarlýsingu og tölfræði frá æfingum