Aðeins 33 prósent sigurhlutfall í fyrsta leik ársins frá árinu 2003

Keflvíkingar töpuðu fyrsta leik sínum í Iceland Express deild karla í körfubolta í vetur þegar þeir steinlágu með 22 stigum, 76-98, í Grindavík á fimmtudagskvöldið.

Þar mistókst þeim að verða fyrsta liðið til þess að vinna alla leiki sína fram á nýtt ár en ef marka má gengi liðsins í fyrsta leik ársins síðasta ár ættu þessi úrslit ekki að koma á óvart.

Keflvíkingar hafa nefnilega aðeins unnið 2 af 6 fyrstu leikjum ársins undanfarin sex tímabil í úrvalsdeild karla í körfubolta og töpuðu sem dæmi tveimur fyrstu leikjum sínum á árinu í fyrra.

Fyrsti leikur Keflavíkur á árinu frá 2003:

2002/2003 - 7. janúar Njarðvík (heima) 77-80 tap

2003/2004 - 4. janúar Hamar (úti) 91-94 tap

2004/2005 - 6. janúar Tindastóll (heima) 97-81 sigur

2004/2006 - 5. janúar ÍR (heima) 102-94 sigur

2006/2007 - 6. janúar Skallagrímur (úti) 98-100 tap

2007/2008 - 3. janúar Grindavík (úti) 76-98 tap

Samtals:

Leikir 6

Sigrar 2

Töp 4

Sigurhlutfall 33%