Milljarða sekt fyrir skipstapa

Franski olíurisinn Total SA var í dag dæmdur til þess að greiða háa sekt og enn hærri bætur vegna olíuflutningaskipsins Eriku sem brotnaði og tvennt og sökk árið 1999.

Um 20 þúsund tonn af olíu fóru í sjóinn á Biskaya flóa og ollu mesta mengunarslysi í sögu Frakklands. Olían barst á land á 400 kílómetra kafla á strandlengju landsins.

Erika var ryðguð drusla sem Total hafði tekið á leigu til olíuflutninga. Total er fjórða stærsta olíufyrirtæki í heimi.

Því var gert að tæpar fjörutíu milljónir króna í sekt og stóran hluta af 40 milljarða króna tjóni sem mengunin olli.

Auk þess er mögulegt að umhverfissamtök og sveitarfélög fái leyfi til þess að höfða skaðabótamál gegn olíufélaginu.