Spalletti vill skora á Spáni

Luciano Spalletti, þjálfari Roma, segist ekki ætla að láta sína menn liggja til baka og reyna verja forskot sitt á morgun. Þá mætir liðið Real Madrid á útivelli en Roma vann heimaleikinn 2-1.

Jafntefli á morgun kemur Roma því áfram í keppninni. „Við getum ekki treyst á það að halda markinu hreinu allan leikinn. Það kemur okkur bara í vandræði að ætla að verja forskotið úr fyrri leiknum," sagði Spalletti.

Real verður líklega án Arjen Robben og Ruud van Nistelrooy sem eiga við meiðsli að stríða. „Þeir hafa samt marga sterka leikmenn eins og Robinho svo við verðum að vera vel á verði. Við erum samt ekki mættir til að verjast," sagði Spalletti.