Nýr samningur á borðinu fyrir Mourinho

Ítalska blaðið Corriere Dello Sport greinir frá því í dag að Jose Mourinho hafi samþykkt að skrifa undir eins árs framlengingu á samningi sínum við Inter Milan á Ítalíu.

Núverandi samningur Mourinho gildir út leiktíðina 2011 en blaðið segir að einu ári verði bætt við samninginn og launin hækkuð verulega.

Þetta sé ekki síst til að reyna að koma í veg fyrir að þjálfarinn stökkvi frá borði og fari til Real Madrid á Spáni, en Portúgalinn hefur mikið verið orðaður við þjálfarastöðuna þar.