Tom Watson enn efstur á opna breska - getur orðið elsti risamótsmeistarinn

Ævintýri hins 59 ára gamla Tom Watson á opna breska meistaramótinu heldur áfram en Watson er með eins högg forystu fyrir lokadaginn á morgun. Watson lék á einu höggi yfir pari í dag og hefur leikið fyrstu 54 holurnar á fjórum höggum undir pari.

Næstir á eftir Watson eru Mathew Goggin frá Ástralíu og Ross Fisher frá Bretlandi. Í fjórða sætinu eru síðan þeir Retief Goosen frá Suður-Afríku og Lee Westwood frá Englandi.

Watson hefur fimm sinnum unnið opna breska en síðasti sigur hans kom árið 1983. Hann getur með sigri slegið met Julius Boros yfir elsta sigurvegara risamóts frá upphafi. Julius Boros var 48 ára þegar hann vann PGA-meistaramótið árið 1968.