Stefán Már og Signý stigameistarar á Eimskipsmótaröðinni í ár

Að loknu lokastigamótinu á Eimskipsmótaröðinni, Chervolet mótinu á Urriðavelli, kom í ljós hvaða kylfingar eru stigameistarar í islenska golfinu í ár. Stigameistararnir eru krýndir þegar er búið að taka saman öll sex mótin sem voru á Eimskipsmótaröðinni í sumar.

Stefán Már Stefánsson úr GR tryggði sér ekki bara sigur á Chervolet mótinu á Urriðavelli heldur nægði sigurinn einnig til að tryggja honum stigameistaratitilinn á Eimskipsmótaröðinni. Stefán Már fékk 5460 stig eða

rúmlega 280 stigum meira en félagi hans úr GR, Haraldur Franklín Magnús. Helgi Birkir Þórisson úr GSE varð síðan í þriðja sætinu.

Signý Arnórsdóttir úr GK varð stigameistari kvenna en hún komst upp fyrir Íslandsmeistarann Ólafíu Þórunni Kristinsdóttur sem tók ekki þátt í lokastigamótinu þar sem hún er farin til náms í Bandaríkjunum. Signý endaði í öðru sæti á Chervolet-mótinu á Urriðavelli og hlaut að lokum tæpum 288 stigum meira en Ólafía Þórunn. Sunna Víðisdóttir úr GR, sem vann lokastigamótið kom síðan í þriðja sæti.

Eimskipsmótaröðin, lokastaða í karlaflokki:

1. Stefán Már Stefánsson, GR 5460.00 stig

2. Haraldur Franklín Magnús, GR 5179.17

3. Helgi Birkir Þórisson, GSE 4495.00

4. Guðjón Henning Hilmarsson, GKG 4289.75

5. Andri Már Óskarsson, GHR 4224.70

6. Arnar Snær Hákonarson, GR 4202.25

7. Axel Bóasson, GK 4077.50

8. Alfreð Brynjar Kristinsson, GKG 4022.50

9. Arnór Ingi Finnbjörnsson, GR 3507.50

10. Kristján Þór Einarsson, GKJ 2987.50

Eimskipsmótaröðin, lokastaða í kvennaflokki:

1. Signý Arnórsdóttir, GK 6961.25 stig

2. Ólafía Þórunn Kristinsdóttir, GR 6673.75

3. Sunna Víðisdóttir, GR 5770.00

4. Valdís Þóra Jónsdóttir, GL 5241.25

5. Tinna Jóhannsdóttir, GK 4600.00

6. Þórdís Geirsdóttir, GK 4333.75

7. Heiða Guðnadóttir, GKJ 4273.75

8. Ingunn Gunnarsdóttir, GKG 4195.00

9. Guðrún Brá Björgvinsdóttir, GK 3415.00

10. Karen Guðnadóttir, GS 3190.00