Ótrúlegt snertimark hjá Gronkowski - heppinn að hálsbrotna ekki

Innherji New England Patriots, Rob Gronkowski, er að verða eitt beittasta sóknarvopn NFL-deildarinnar en samvinna hans og Tom Brady leikstjórnanda hefur verið frábær í vetur.

Gronkowski skoraði tvö snertimörk gegn Chiefs í nótt og annað var af dýrari gerðinni.

Þá lendir hinn stóri og þungi Gronkowski á hausnum og má hreinlega þakka fyrir að hálsbrjóta sig ekki. Tröllið lét eins og ekkert væri, stóð upp og fagnaði stigunum með stæl. Þess má geta að hann er 198 sentimetrar á hæð og 120 kíló.

Hægt er að sjá snertimarkið ótrúlega hér að ofan.