Juve ætlar að fara taplaust í gegnum tímabilið

Juventus varð ítalskur meistari um helgina en þjálfarinn Antonio Conte vill að liðið fari í sögubækurnar með því að klára tímabilið án þess að tapa leik.

"Það er fallegt að vinna deildina. Það er algjörlega magnað og þetta er búið að vera mjög sérstakt tímabil," sagði Conte.

"Við erum búnir að spila 37 leiki án þess að tapa og við viljum klára tímabilið taplausir. Það væri sögulegur áfangi fyrir okkur."

Lokaleikur Juve er gegn Atalanta um næsta helgi og þá getur liðið orðið það fyrsta í sögu ítalska boltans til þess að klára 38 leikja tímabil án þess að tapa.