Góður árangur Stefaníu og Sveinbjargar

Sveinbjörg Zophoníasdóttir úr FH tryggði sér í gær Norðurlandameistaratitil kvenna 22 ára og yngri í langstökki en keppt er í Jessheim í Noregi.

Sveinbjörg stökk 6,06 metra sem er besta stökk FH-ingsins á árinu. Sveinbjörg, sem keppir alla jafna í sjöþraut, á best 6,10 metra í langstökki.

Stefanía Valdimarasdóttir tryggði sér þátttökurétt í 400 metra grindahlaupi á EM 22 ára og yngri með góðum árangri á Akureyrarmótinu. Stefanía hljóp 400 metrana á 60,32 sekúndum sem er bæting um hálfa sekúndu.

Fylgjast má með gangi mála á Norðurlandamótinu hér og Akureyrarmótinu hér.