Grænfriðungar ganga um borð í olíuborpall

Hópur grænfriðunga gekk um borð í rússneskan olíuborpall við Grænland í morgun. Borpallurinn er á vegum olíufélagsins Cairn Energy en hann hefur leitað að olíu við vesturströnd Grænlands undanfarið.

Í síðustu viku tilkynnti fyrirtækið að olía hefði fundist á svæðinu.

Aðgerðarsinnarnir vonast til að borunum verði hætt tímabundið enda hafi þeir brotið öryggisreglur.

Þannig vilja grænfriðungar koma í veg fyrir að fyrirtækið klári tilraunaboranir áður en vetur gengur í garð.