Sjö leikmenn í 19 ára landsliðinu spila erlendis

Kristinn Rúnar Jónsson, landsliðsþjálfari 19 ára landsliðs karla, hefur valið 20 leikmenn í landslið Íslands sem leikur í undankeppni Evrópumótsins í Króatíu en síðasta æfingahelgi liðsins verður um komandi helgi.

Sjö leikmenn liðsins eru að spila erlendis þar af fjórir þeirra í Danmörku. Einn leikmaður spilar síðan í Englandi, einn í Hollandi og einn í Þýskalandi. Breiðablik er eina íslenska félagið sem á meira en einn leikmann í hópnum en fjórir Blikar voru valdir.

Riðillinn fer fram frá 26. til 31. október og verða mótherjarnir, ásamt heimamönnum, Aserbaídsjan og Georgía. Fyrsti leikur er á móti Aserbaídsjan 26. október, liðið mætir svo Króatíu 28. október og lokaleikurinn er á móti Georgíu 31. október.

Íslenski hópurinn flýgur út miðvikudaginn 24. október en liðið mun dvelja í Terme Tuhelj í norður Króatíu. Liðið kemur síðan heim 1. nóvember og vonandi með sæti í milliriðlinum með í för en tvö efstu liðin í riðlinum komast áfram.

Íslenski hópurinn:

Markmenn:

Frederik August Albrecht Schram, Dragør Boldklub

Rúnar Alex Rúnarsson, KR

Aðrir leikmenn:

Arnar Aðalgeirsson, AGF

Oliver Sigurjónsson, AGF

Orri Sigurður Ómarsson, AGF

Adam Örn Arnarson, Breiðablik

Árni Vilhjálmsson, Breiðablik

Ósvald Traustason, Breiðablik

Stefán Þór Pálsson, Breiðablik

Ragnar Bragi Sveinsson, FC Kaiserslautern

Kristján Flóki Finnbogason, FH

Björgvin Stefánsson, Haukar

Gunnar Þorsteinsson, Ipswich

Hjörtur Hermannsson, PSV

Aron Grétar Jafetsson, Stjarnan

Alfreð Már Hjaltalín, Víkingur Ó

Aron Elís Þrándarsson, Víkingur R

Daði Bergsson, Þróttur R