Liverpool teflir fram sterku liði gegn Anzhi

Liverpool hefur leyft sér hingað til í Evrópudeildinni að tefla ekki fram sínu sterkasta liði en það verður breyting á því í kvöld er það mætir ríka rússneska félaginu Anzhi Makhachkala.

Liverpool er í þriðja sæti A-riðils á eftir Anzhi og Udinese eftir að hafa fengið þrjú stig í fyrstu tveimur leikjum sínum.

Liverpool tapaði síðasta leik gegn Udinese og þarf því á þrem stigum að halda í kvöld.

"Anzhi er sterkt lið með marga góða leikmenn. Við höfum gert miklar breytingar milli leikja en þessi leikur er mjög mikilvægur og við munum því tefla fram sterkara liði en áður í keppninni," sagði Colin Pascoe, aðstoðarmaður Brendan Rodgers.