Pishchalnikova grunuð um lyfjamisnotkun

Darya Pishchalnikova frá Rússlandi, sem vann silfurverðlaun í kringlukasti kvenna á Ólympíuleikunum í London í sumar, sætir rannsókn vegna mögulegra misnotkun á lyfjum.

„Í október 2012 krafðist Alþjóðalyfjaeftirlitið þess að sýni Pishchalnikova frá því í maí yrði sent til frekari rannsókna hjá rannsóknarstofu í Lausanne. Niðurstaða sýnisins var jákvæð," segir á heimasíðu lyfjaeftirlitsins í Rússlandi.

Pishchalnikova neitar staðfastlega sök. Verði hún fundin sek gæti hún átt yfir höfði sér lífstíðarbann frá íþrótt sinn. Ástæða þess er sú að um yrði að ræða annað skiptið sem Pishchalnikova fengi dóm í tengslum við lyfjamisnotkun.