Federer í undanúrslitin á móti Andy Murray

Svisslendingurinn Roger Federer tryggði sér sæti í undanúrslitum á opna ástralska mótinu í tennis í dag þegar hann vann Frakkann Jo-Wilfried Tsonga í oddasetti 3-2. Federer hefur unnið þetta mót fjórum sinnum á ferlinum síðast fyrir þremur árum.

Federer vann 7-6, 4-6, 7-6, 3-6 og 6-3 en Frakkinn náði að jafna í tvígang eftir Federer að hafði unnið fyrsta og þriðja settið. Roger Federer mætir Bretanum Andy Murray í undanúrslitunum sem fara fram á föstudaginn.

Federer tapaði fyrir Rafael Nadal í undanúrslitunum á þessu móti í fyrra en Andy Murray tapaði þá á sama tíma fyrir Serbanum Novak Djokovic.

Novak Djokovic og David Ferrer mætast í hinum undanúrslitaleiknum en Djokovic hefur unnið þetta mót tvö ár í röð.