Risabardagi á besta tíma

Wladimir Klitschko og Alexander Povetkin berjast um heimsmeistaratignina í þungavigt í bardaga í Moskvu í dag klukkan 18.

Reynsluboltinn Klitschko, sem er 37 ára gamall Úkraínumaður, á titil að verja. Hann hefur ekki tapað bardaga síðan hann var rotaður af Lamon Brewster í Las Vegas árið 2004. Klitschko er töluvert hávaxnari en áskorandinn en ber mikla virðingu fyrir honum.

Klitscho sagðist í gær eiga von á mikilli baráttu gegn Rússanum Povetkin sem verður væntanlega vel studdur af löndum sínum í Moskvu. Povetkin, sem er 34 ára, hefur ekki beðið lægri hlut í 26 bardögum.

Bein útsending frá bardaganum hefst klukkan 18.