Roger Federer segir upp þjálfaranum

Tenniskappinn Roger Federer hefur sagt upp þjálfara sínum, Paul Annacone, eftir rúmlega þriggja ára samstarf.

Federer sem eitt sinn var í efsta sæti heimslistans, en er nú kominn niður í það sjöunda, tók þessa ákvörðun eftir að hafa verið sleginn út í þriðju umferð Sjanghæ -meistaramótsins.

Þrátt fyrir að það líti út fyrir að þeir skilji ósáttir er það alls ekki raunin.

„Við vorum með þriggja ára áætlun og ætluðum að vinna eitt stórmót og ná efsta sæti heimslistans. Það tókst ásamt mörgum öðrum markmiðum.“

„Paul er góður vinur og við hlökkum til að halda okkar vináttu áfram. Ég er þakklátur fyrir það sem hann hefur gert fyrir mig og mitt lið,“ sagði Roger Federer