Kevin Spacey leikur Winston Churchill

Stórleikarinn Kevin Spacey mun leika Winston Churchill í nýrri mynd byggðri á ævisögu Churchill.

Captain of the Gate, heitir myndin, sem mun fjalla um leið Churchills til valda á meðan að á annari heimstyrjöldinni stóð, þegar hann leiddi þjóð sína gegn stefnu Hitlers. Handritið er eftir Ben Kaplan, sem hefur áður skrifað um fyrrum Bandaríkjaforseta Ronald Reagan og unnið að heimildamyndum um Víetnam og aðra heimstyrjöld.

Spacey hefur þegar verið orðaður við verkefnið, en enn er leitað eftir leikstjóra.

Ferill Spacey hefur að undanförnu gengið í gegnum endurnýjun lífdaga, en hann hefur unnið til Emmy verðlauna, Golden Globe verðlauna og hlotið Screen Actors Guild tilnefningar fyrir hlutverk sitt sem pólítíkusinn Francis Underwood í Netflix seríunni House of Cards.