Birgir Leifur í sterkri stöðu

Birgir Leifur Hafþórsson stendur vel að vígi á fyrsta stigs úrtökumóti fyrir Evrópumótaröðina í golfi.

Birgir Leifur lék á 68 höggum í dag og er á samtals sex höggum undir pari vallarins eftir fyrstu tvo keppnisdagana. Hann er í 3.-6. sæti en 20 efstu komast áfram á næsta stig úrtökumótaraðarinnar.

Hann fékk þrjá skolla og tvo fugla á fyrri níu holunum en spilaði afar vel á seinni níu, er hann fékk tvo fugla og sjö pör.

Keppt er í Portúgal en næsta stig fer fram í byrjun nóvember. Þórður Rafn Gissurarson og Ólafur Björn Loftsson hafa þegar tryggt sér keppnisrétt fyrir næsta stig.