„Nei, ég nota ekki getnaðarvarnir. Ég er á pillunni samt“

Strákarnir í sjónvarpsþættinum Áttunni á Bravó tóku sitt vanalega skólaspjall í síðasta þætti en að þessu sinni heimsóttu þeir Menntaskólann í Kópavogi.

Eins og sést í meðfylgjandi myndskeiði voru nemendur spurðir að ýmsu, til dæmis hvort þeim þætti kynlíf gott. Voru flestir sammála um að svo væri.

„Kynlíf er það besta sem ég hef gert á ævinni,“ segir einn nemandanna. Aðspurðir hvort þeir notuðu getnaðarvarnir voru ekki allir sem notuðu þær. Ein stúlknanna hefur þó eitthvað misskilið spurninguna því hennar svar var:

„Nei, ég nota ekki getnaðarvarnir. Ég er á pillunni samt.“

Þá voru nemendur spurðir út í stjórnmál en þá varð fátt um svör.