Myndarleg lægð milli Íslands og Grænlands - Gagnvirkt kort

Íslendingar geta fylgst með lægðinni sem veldur svo slæmu veðri á landinu. Til þess er algerlega óþarft að fara út fyrir dyrnar heldur er hægt að gera það hér á Vísi. Búið er að vara við veðrinu sem er nú skollið á og er ekkert ferðaveður víða á landinu.

Á kortinu á vefnum Nullschool er hægt að skoða veður og vinda um heim allan.

Í tilkynningu frá Vegagerðinni segir að á fjallvegum suðvestanlands sé orðið hvasst og takmarkað skyggni vegna snjókomu og skafrennings.

Reiknað er með veðurhæð sunnan- og vestanlands, 23-28 m/s sem nær hámarki skömmu fyrir miðnætti.   Spáð er vindhviðum yfir 30 m/s  á Kjalarnesi og undir Hafnarfjalli  frá því á milli kl. 17 og 18 og allt að 40-50 m/s síðar í kvöld. Eins undir Eyjafjöllum og í Mýrdal.  Skafrenningur verður víða á landinu í kvöld og nótt og á Austfjörðum er á fjallvegum spáð dimmri hríð með mikilli snjókomu  seint í kvöld og í nótt.

earth