McIlroy ekki með á Opna breska

Rory McIlroy verður ekki með á Opna breska meistaramótinu sem hefst í næstu viku. Hann meiddist á ökkla á mánudag þegar hann var að leika sér í fótbolta með vinum sínum.

McIlroy, sem er 26 ára Norður-Íri, er ríkjandi meistari á Opna breska en hann er með skaddað liðband í ökkla og mun ekki ná sér í tæka tíð.

„Þessi ákvörðun er tekin með framtíðina í hug. Ég vil koma til baka þegar ég er 100 prósent tilbúinn og algjörlega heill heilsu,“ skrifaði McIlroy á Instagram-síðuna sína í dag.

Mótshaldarar hafa lýst yfir vonbrigðum sínum vegna þessa en taka undir að aðalatriðið sé að hann nái fullri heilsu.

McIlroy hefur unnið fjögur risamót á ferlinum en næsta risamót á eftir Opna breska verður PGA-meistaramótið í Bandaríkjunum um miðjan ágúst. McIlroy á einnig titil að verja þar.

After much consideration, I have decided not to play in the Open Championship at St. Andrews. I’m taking a long term view of this injury and, although rehab is progressing well, I want to come back to tournament play when I feel 100% healthy and 100% competitive. Thank you for all your support and best wishes. I hope to be back on the course as soon as I can.... In the mean time, come on Andy!!!

A photo posted by Rory McIlroy (@rorymcilroy) on Jul 8, 2015 at 8:38am PDT