Leikur KA og Grindavíkur sýndur beint á Stöð 2 Sport

Heil umferð fer fram í 1. deild karla á morgun.

Toppbaráttan er í algleymingi en KA, Þróttur og Þór berjast um að fylgja Víkingum frá Ólafsvík upp í Pepsi-deildina.

KA-menn eru í 2. sætinu með 38 stig, einu stigi á undan Þrótti (sem á leik til góða) og þremur stigum á undan erkifjendunum í Þór.

KA tekur á morgun á móti Grindavík en leikurinn verður sýndur í beinni útsendingu á Stöð 2 Sport, Vísi.is og SportTV.is. Leikurinn hefst klukkan 13:00.

Þessi lið mætast í 21. umferð 1. deildar karla á morgun:

KA - Grindavík

Selfoss - Þór

Haukar - BÍ/Bolungarvík

Fram - Víkingur Ó.

Fjarðabyggð - HK

Grótta - Þróttur