Nextcode selt á 8,5 milljarða

Fyrirtækið WuXi PharmaTech hefur keypt íslenska erfðagreiningarfyrirtækið NextCode á 8,5 milljarða. Fyrirtækið er dótturfyrirtæki DeCode. Hannes Smárason verður í stjórn sameinaðs fyrirtækis.

Nýja fyrirtækið mun heita WuXi NextCODE Genomics.

„Það er búið að vera mjög gaman að taka þátt í uppbyggingu á þessu fyrirtæki sem byggir á íslenskri þekkingu og hugviti og einnig að geta selt þetta til stórfyrirtækis,“ segir Björn Zoega, sem hefur látið af störfum sem forstjóri Nextcode en hann tók við af Hannesi Smárasyni.