Eurovision réttur Evu Laufeyjar

Eva Laufey Kjaran skrifar 20. febrúar 2016 11:44

Í kvöld er úrslitakeppni Eurovision og tilvalið að skella í þennan girnilega Doritos kjúkling og borða á meðan keppninni stendur. Vísir/Eva Laufey

Kjúklingurinn

700 g kjúklingakjöt, ég notaði lundir

6 msk sýrður rjómi

1 tsk papriku krydd

1 tsk mexíkósk kryddblanda

salt og pipar

1 poki appelsínugulur Doritos

ólífuolía

Sósa:

1 dós sýrður rjómi

5 - 6 msk salsa sósa

Aðferð:

Skerið kjúklingabitana í jafn stóra bita.

Blandið saman í skál sýrða rjómanum, paprikukryddi, mexíkóskri kryddblöndu, salti og pipar og hrærið vel saman. Þekjið kjúklingabitana með sósunni og geymið í kæli í 30 mínútur.

Myljið snakkið í matvinnsluvél en ef þið eigið ekki matvinnsluvél þá getið þið barið á snakkið með t.d. kökukefli.

Veltið kjúklingabitunum upp úr snakkinu og leggið síðan á pappírsklædda ofnplötu. Sáldrið smávegis af ólífuolíu yfir og eldið við 180°C í 20 - 25 mínútur.

Berið fram með léttri salsasósu og fersku salati.

Sósan aðferð:

Blandið sýrða rjómanum og salsasósu saman í skál og berið fram með kjúklingabitunum.

Njótið vel.