Wonder woman setur met í Hollywood

Kvikmyndin um Wonder Woman sem Patty Jenkins leikstýrir, er fyrsta myndin sem leikstýrð er af konu sem fær meira en hundrað milljónir dala til að moða úr. Gal Gadot í hlutverki Wonder Woman brá fyrir í myndinni Batman v Superman: Dawn of Justice en á næsta ári verður uppunasaga Díönnu frá Themyscira sögð á silfurtjaldinu í fyrsta sinn.

Myndin verður frumsýnd þann 2. júní á næsta ári.

Karlarnir hafa lengi haft yfirhöndina með ofurhetjumynda þó auðvitað hafi verið gerðar myndir um kvenhetjur. Má þar nefna myndir um Supergirl, Catwoman og Elektra.

Wonder Woman fjallar um Díönnu Prince og gerist um hundrað árum fyrir Batman v Superman. Hún yfirgefur heimkynni sín og ferðast um Evrópu á tímum fyrri heimsstyrjaldarinnar.