Sjáðu fyrstu stikluna úr Thor: Ragnarok

Þrumuguðinn Þór er í miklum vandræðum í Thor: Ragnarok í fyrstu stiklunni úr þessari mynd sem væntanleg er í kvikmyndahús í nóvember.

Fyrir þá sem vita það ekki nú þegar, þá munu birtast hér upplýsingar um söguþráð myndarinnar. Þeir sem vilja ekkert vita um hann er ráðlagt að horfa ekki á stikluna og lesa ekki lengra. 

Í stiklunni sést hvernig Hel, gyðja dauðaríkisins, sviptir hann hamrinum Mjölni og sendir hann á framandi plánetu þar sem hann er gerður að skylmingaþræli. Þarf  hann meðal annars að mæta sína góða félaga Hulk í bardagahringnum en það virðist vera ansi grunnt á vináttunni líkt og sést í stiklunni.

Allt gerist þetta undir blússandi undirspili frá Led Zeppelin, enda viðeigandi. Lagið sem varð fyrir valinu er Immigrant song þar sem meðal annars er sungið um hamar guðanna.