Öll mistök SpaceX í einu myndbandi

Elon Musk, eigandi fyrirtækisins SpaceX, lofaði því í ágúst að starfsmenn fyrirtækisins væru að vinna að svokölluðu „blooper reel“ þar sem farið væri yfir mistök fyrirtækisins. Nú hefur það myndband verið birt þar sem sjá má fjölmargar milljónir dala springa í loft upp.

SpaceX hefur nú í nokkur ár unnið að því að þróa eldflaugar sem farið geta út í geim og lent aftur á jörðinni. Starfsmönnum fyrirtækisins hefur tekist að lenda sextán eldflaugum og hefur jafnvel tekist að nota eldflaug aftur til geimskots.

Þróun þessi hefur þó ekki gengið án áfalla, eins og sjá má á myndbandinu hér að neðan.