Sáttmálinn undirritaður á morgun

Formenn VG, Sjálfstæðisflokksins og Framsóknarflokksins munu undirrita stjórnarsáttmála nýrrar ríkisstjórnar á morgun í Listasafni Íslands.

Hafa formennirnir boðað til blaðamannafundar klukkan tíu þar sem stjórnarsáttmálinn verður kynntur og undirritaður.

Flokkstofnanir flokkanna þriggja samþykktu í kvöld á fundum sínum sáttmála flokkanna þriggja sem unnið hefur verið að síðustu vikur. Stofnanir Sjálfstæðisflokksins og Framsóknarflokksins samþykktu sáttmálann samhljóða en flokksráð VG samþykkti hann með miklum meirihluta.

Ljóst er að Katrín Jakobsdóttir, formaður VG, mun verða forsætisráðherra ríkistjórnarinnar. Gert er ráð fyrir því að ríkisstjórnar hennar muni formlega taka við völdum á morgun.